Laura Villar nace en 2002 en GUITIRIZ, LUGO, no corazón da Terra Chá. Medra arrodeada dunha cultura que fala a través das mans: a xente da terra, o coidado do feito á man, o valor do que se herda.

Formada en deseño de moda, Laura atopa no imaxinario cultural galego a súa linguaxe propia. As súas pezas dialogan coa iconografía popular do país: os panos, as festas, os traxes, as historias que se contan de xeración en xeración.

Hoxe, dende o seu estudio, recupera esas imaxes e fainas actuais. Non copia o pasado: fálalle ao presente coa memoria da terra, coa cultura que a viu nacer.

Cada colección é unha conversa entre o que fumos e o que somos. Unha aposta por unha moda que ten historia, que ten lugar, e que ten futuro.